Kyun...

Kyun zindagi ki hakikaton se bhaagte hain log

Kyun har kadam naqab odhe mil jaate hain log.

Woh asliyat ka zamaana raha hi nahi ab

Ki zahar mein bhi milawat kar jaate hain log.

Kyun...

Zindagi rahti hai to aapsi prem barkarar rahta hai

Marne ke baad kisi ki rooh se bhi ghabraate hain log.

Kyun...

Zinda tha to bahut sataaya tha zamaane ne usko

Maut kya hui, taarif karte nazar aate hain log.

Kyun...

Yeh sach hai ki daulat se khushi kharidi nahi jaati

Garibi mein bhi dekha hai humne muskuraate hai log.

Kyun...

Kaun kahta hai

ki Ishwar nischhal hai?

Koi balwaan hai

to koi durbal hai

Koi kuroop hai

to koi sundar hai

Kuchh satya nahin

sab bahya aadambar hai.

Kaun kahta hai...

Koi vaataanookulit kamre mein

aaraam se rahata hai

to koi

ravi ke garm aanchal mein

sulagta rahta hai.

Koi sheet ritu mein

garm vastron se ladaa rahta hai

to koi vastron ke abhaav mein

kahin thithurta rahta hai.

Kaun kahta hai...

Itihaas pathan ka mool uddyeshya

bhool sudharna hota hai

phir bhi he ishwar

itihaas kyon dohrata hai

Pichhle janm ke karmon ka

deta hamko phal hai

Sab ankit ho jaata hai

kaisa yeh smriti patal hai.

Kaun kahta hai

ki Ishwar nischhal hai?

Kaun kahta hai........

Kya jakad sakta hai koi

bhavnaon ko

chhandon ke bandhan mein?

Na mil sakegi

tanik bhi shanti

bhavnaon ko

shabdon ke spandan mein.

Na dhoondhe koi in shabdon ko

hansi mein

naynon ke krandan mein

Bhavnayein swachchhanda hain

shabdon ki seema hai

vyakti ke jeevan mein.

Na dhoondhe koi in shabdon ko

ghabraye chehre par

hoton ke kampan mein

Sahi roop me tum

bhar na sakoge bhavnaon ko

varno ke aalingan mein.

Kya jakad sakta hai koi

bhavnaon ko

Chhandon ke bandhan mein.....

FORGET ME NOT...

I want to see you always in glee,

Forget how sad you may be,

I want to take this word from you

that you won't ever forget me.

Endearing, enamouring;

enchanting, enthralling.

Disgusting, disappointing;

disquieting, distressing.

These are the moments of which

life is made of everybody's,

One has to experience them

however well off one may be.

I want to see you always in glee

forget how sad you may be,

I want to take this word from you

that you won't ever forget me.

***************************

P.S. This one was written by yours sincerely almost 25 years back. Definitely an amateurish but an honest and sincere attempt. However, way back it could not be shared with so many people. So, this time I decided to start my blog entry with this piece that's still very much close to my heart.